Ungabörn 2-6 mánaða

Lýsing

Ungbarnasund. Þetta námskeið er fyrir ungabörn (og foreldra) 2-6 mánaða.
Námskeiðin eru 8 vikur og er kennsla einu sinni í viku. Veldu það námskeiðstímabil, sem hentar þér og þínu barni best.

Heppilegast er að byrja með börn á aldrinum 2-6 mánaða og/eða þegar þau eru um 4-5 kíló. Á þeim aldri er barnið farið að halda höfði og hefur ósjálfrátt köfunarviðbragð, en köfunarviðbragðið er meðfætt. Þetta meðfædda viðbragð barnsins lýsir sér þannig að þegar vatn kemst í snertingu við nema í barkalokinu, lokast barkinn í nokkrar sekúndur og á meðan kemst ekkert vatn niður í lungun. Eftir 6 mánaða aldur fer þetta viðbragð dvínandi.

Kennslustaður:

Sundskóli Sóleyjar er með kennslulaug í Sundlaug Hrafnistu við Boðaþingi 5-7, 203 Kópavogi.
Boðið er uppá góða aðstöðu fyrir bæði börn og foreldra.